Machaut: Se mesdisans en acort (V15)

Monophonic virelai.

Sources: Machaut Manuscripts A B C E & G

Lyrics

Se mesdisans en acort
Sont pour moy grever à tort,
C'est par leur envie,
Car desservi ne l'ay mie.
Pour ce de leur genglerie
Bien me reconfort.

Mais pour eaus mettre en esmay,
Plus que ne sueil je seray
Joieuse et jolie,
Et si aray le cuer gay
Et sagement me tenray
Sans faire folie.
Einsi feray leur deport
Muer en grant desconfort
Et s'ay de m'aïe
Bonne volenté et lie
Et loyauté dont garnie
Sui jusqu'à la mort.
Se mesdisans.

Einsi me deporteray
De tout ce que dire orray,
N'en merencolie
Ja mon cuer n'en metteray,
Pour ce que pure me sçay
De leur tricherie;
Ne cuers qui est de bon port
Ne doit doubter leur raport
Plein de felonnie.
N'onques en jour de ma vie
Ma pensée en vilonnie
Ne prist son ressort.
Se mesdisans en acort.

Pour ce de riens ne m'esmay
Qu'en loyauté fiance ay,
Et, quoy que nulz die,
Tant com mon devoir feray,
Leur parler ne doubteray,
Que pas ne deffie
Et en derrier point et mort.
Mais quant leur gengle plus fort
Seur moy se deslie,
Tant sui je plus envoisie,
Car Diex scet, où je me fie,
Comment je ne port.
Se mesdisans en acort
Sont pour moy grever à tort,
C'est par leur envie,
Car desservi ne l'ay mie.
Pour ce de leur genglerie
Bien me reconfort.


Discography

  1. Adès COF 7078 [LPx3]
    L'art musical et poétique de Guillaume de Machaut - Motets / Ballades / Virelays - Le Remède de Fortune - Le Veoir Dit
    Ensemble Guillaume de Machaut de Paris - Guy Robert / Jean Belliard
    Rec.: 1975-1977

  2. Dorian DOR-93245
    Pastourelles
    The art of Machaut and the Trouvères
    Fortune's Wheel
    Rec.: 2001

  3. Hyperion CDA 66619
    The Study of Love - French Songs and Motets of the 14th Century
    Gothic Voices - Christopher Page
    Rec.: 1992

  4. Muza AL /EN 2004
    Guillaume de Machaut & L'Ars Nova
    La Maurache
    Rec.: 2003


Please see the Machaut index page for an introduction, discussion of methodology, and notes on this project.

To Machaut index page

To Early Music FAQ

Pierre-F. Roberge
Todd M. McComb