Machaut: Hareu! hareu! le feu, le feu
Helas! où sera pris confors
Obediens usque ad mortem (M10)

Three-voice motet.

Sources: Machaut Manuscripts A B C E & G

Lyrics

Hareu! hareu! le feu, le feu
D'ardant desir, qu'ainc si ardant ne fu,
Qu'en mon cuer ha espris et soustenu
Amours, et s'a la joie retenu
D'espoir qui doit attemprer celle ardure.
Las! se le feu qui ensement l'art dure,
Mes cuers sera tous bruis et estains,
Qui de ce feu est ja nercis et tains,
Pour ce qu'il est fins, loyaus et certains;
Si que j'espoir que deviés y ert, eins
Que bonne Amour de merci l'asseüre
Par la vertu d'esperance seüre.
Car pour li seul, qui endure mal maint,
Pitié deffaut, où toute biauté maint;
Durtés y regne et Dangiers y remaint,
Desdains y vit et Loyautés s'i faint
Et Amours n'a de li ne de moy cure.
Joie le het, ma dame li est dure,
Et, pour croistre mes dolereus meschiés,
Met dedens moy Amours, qui est mes chiés,
Un desespoir qui si mal entechiés
Est que tous biens ha de moy esrachiés,
Et en tous cas mon corps si desnature
Qu'il me convient morir malgré Nature.

Helas! où sera pris confors
Pour moy qui ne vail nès que mors?
Quant riens garentir ne me puet
Fors ma dame chiere qui vuet
Qu'en desespoir muire, sans plus,
Pour ce que je l'aim plus que nuls,
Et Souvenir pour enasprir
L'ardour de mon triste desir
Me moustre adès sa grant bonté
Et sa fine vraie biauté
Qui doublement me fait ardoir.
Einsi sans cuer et sans espoir,
Ne puis pas vivre longuement,
N'en feu cuers humeins nullement
Ne puet longue durée avoir.

Obediens usque ad mortem.


Discography

  1. ECM "New Series" 1823
    Machaut: Motets
    Hilliard Ensemble
    Rec.: 2001

  2. Éditions Musicales Lugdivine « Thèm'Axe » 7 [Book + CDx2]
    Instruments et musiques du Moyen Âge
    Various performers
    Rec.: 2008

  3. EMI/HMV SLS 863 [LPx3]
    The Art of Courtly Love (Guillaume de Machaut and his Age - Late Fourteenth Century Avant Garde - The Court of Burgundy)
    The Early Music Consort of London - David Munrow, dir.
    Rec.: 1972/1973

  4. Zig-Zag Territoires ZZT 021002 [CDx2]
    Machaut - Les Motets
    Ensemble Musica Nova
    Rec.: 2002


Please see the Machaut index page for an introduction, discussion of methodology, and notes on this project.

To Machaut index page

To Early Music FAQ

Pierre-F. Roberge
Todd M. McComb