Machaut: Tant doucement m'ont attrait
Eins que ma dame d'onnour
Ruina (M13)

Three-voice motet.

Sources: Machaut Manuscripts A B C E & G

Lyrics

Tant doucement m'ont attrait
Bel accueil et dous attrait
Nés de dous viaire,
Et samblans d'amours, qui trait
D'un regart riant, attrait
M'a par son plaisant attrait,
Que clamour fait faire
A ma dame debonnaire
M'ont dou mal qui est en mi.
Helas! si m'ont fait einsi
Pour ma mort attraire,
Com cil qui son anemi
Meinne noier com amy,
Les bras au col; et traÿ
M'ont par tel affaire.
Car regars, pour moy detraire,
En riant m'asseüroit
Et merci me promettoit,
Et samblans d'attraire
Ma grant paour estraingnoit
Et hardement me donnoit,
A bel accueil m'apelloit
Pour mes maus retraire.
Mais pour moy faire mort traire,
Quant à ce m'eurent mené,
Com faus traïtour prouvé
Furent mi contraire,
Et d'un refus sans pité,
Dur et plein de cruauté,
D'orguilleus cuer engendré,
Me firent deffaire,
Pour ce que j'aim sans meffaire.

Eins que ma dame d'onnour
Que je serf et pris
Sceüst la dure dolour
Dont je sui espris,
Souvent estoie enrichis,
Sans avoir s'amour,
De son regart qui conquis
M'a par sa vigour,
Et de la fine douçour,
De son plaisant ris.
Or me tolt ses biens gentils
Et me tient en plour,
Quant elle scet que j'aour
Son gracieus vis
Et que je l'aim sans faus tour.

Ruina.


Discography

  1. ECM "New Series" 1823
    Machaut: Motets
    Hilliard Ensemble
    Rec.: 2001

  2. Studio Matous MK 0027 - 2 931
    Guillaume de Machaut - Chansons
    Ars Cameralis - Lukas Matousek, dir.
    Rec.: 1995

  3. Zig-Zag Territoires ZZT 021002 [CDx2]
    Machaut - Les Motets
    Ensemble Musica Nova
    Rec.: 2002


Please see the Machaut index page for an introduction, discussion of methodology, and notes on this project.

To Machaut index page

To Early Music FAQ

Pierre-F. Roberge
Todd M. McComb