Machaut: Hé! Mors, com tu es haïe
Fine Amour, qui me vint navrer
Quare non sum mortuus (M3)

Three-voice motet.

Sources: Machaut Manuscripts A B C E & G

Lyrics

Hé! Mors, com tu es haïe
De moy, quant tu as ravie
Ma joie, ma druerie,
Mon solas,
Par qui je sui einsi mas
Et mis de si haut si bas,
Et ne me pouiés pas
Assaillir.
Las! miex amasse morir
Qu'avoir si grief souvenir
Qui moult souvent rejoïr
Me soloit,
M'amour en pensant doubloit,
Mon desir croistre faisoit
Et toudis amenuisoit
Mes dolours.
Mais c'est dou tout à rebours,
Car croistre les fait tous jours
En grans soupirs et en plours,
Pour m'amour
Que sens par avoir valous,
Scens, courtoisie et honnour.
Or sçay bien que sans retour
Perdu l'ay
Et que la mort en aray,
Quant amours delaisseray
Ne remirer ne porray
Son acueil,
Qui met en moy si grant dueil
Que riens ne desir ne vueil
Fors la mort. S'aray mon vueil
Acompli.
Et s'il en estoit en mi
De ma mort ou de merci,
Dou tout metroie en oubli
Ma vie,
Car en moy joie n'est mie.
Et or dit, je n'en doubt mie,
Qui bien aimme à tart oublie.
Bien l'ottroy;
Et pour ce qu'il ha l'ottroy
D'amours, soit sages de soy
Et si serve en bonne foy,
Sans folie,
Car il n'est, pour voir l'affie,
Nulle si grief departie,
Com c'est d'ami et d'amie.

Fine Amour, qui me vint navrer
Au cuer, m'a fait grant desraison,
Quant elle ne voloit saner
Mon mal en temps et en saison,
Mais tant me fait en prison
Les tres griés peinnes endurer;
Car dès or mais reconforter
Ne me puet fors que nuire non,
Car Fortune ma garison
M'a tollu pour moy plus grever.
Helas! or me puis dementer,
Plourer et pleindre à grant foison,
Et atendant, pour bien amer,
La mort en lieu de guerredon.

Quare non sum mortuus.


Discography

  1. Arcana 305
    Mercy ou mort
    Machaut: Chansons & motets d'amour
    Ensemble Ferrara - Crawford Young, dir.
    Rec.: 1998

  2. ECM "New Series" 1823
    Machaut: Motets
    Hilliard Ensemble
    Rec.: 2001

  3. Jaro 4229-2 [CD]
    Danse Gothique - Music by Satie & Machaut
    Sarband & Edition L'Orient Imaginaire - Vladimir Ivanoff, dir.
    Rec.: 1999

  4. Philips "Universo-serie" 6580 026 [LP]
    Guillaume de Machaut - Balladen, Motetten. Rondeaus, Virelais
    Capella Lipsiensis - Dietrich Knothe, dir.
    Rec.: 1970

  5. Warner Strategic Marketing 0927 43824-2 [CD]
    Fin Amor: Musik zwischen Liebe, Sehnsucht, Leidenschaft und dem rauen Nordwind
    Estampie
    Rec.: 2001

  6. Zig-Zag Territoires ZZT 021002 [CDx2]
    Machaut - Les Motets
    Ensemble Musica Nova
    Rec.: 2002


Please see the Machaut index page for an introduction, discussion of methodology, and notes on this project.

To Machaut index page

To Early Music FAQ

Pierre-F. Roberge
Todd M. McComb