Machaut: J'ai tant mon cuer et mon orgueil creü
Lasse! je sui en aventure
Ego moriar pro te (M7)

Three-voice motet.

Sources: Machaut Manuscripts A B C E & G

Lyrics

J'ai tant mon cuer et mon orgueil creü
Et tenu chier ce qui m'a deceü
Et en vilté ce qui m'amoit eü,
Que j'ay failli
Aus tres dous biens dont Amours pourveü
Ha par pitié maint cuer despourveü
Et de la tres grant joie repeü
Dont je langui.
Lasse! einsi m'a mes felons cuers trahi,
Car onques jour vers mon loyal ami
Qui me servoit et amoit plus que li
N'os cuer meü
Que de m'amour li feisse l'ottri.
Or sçay je bien qu'il aimme autre que mi
Qui liement en ottriant merci
L'a reçeü.
Si le m'estuet chierement comparer,
Car je l'aim tant c'on ne puet plus amer.
Mais c'est trop tart: je ne puis recouvrer
La soie amour;
Et s'ay paour, se je li vueil rouver,
Qu'il ne me deingne oïr ne escouter
Pour mon orgueil qui trop m'a fait fier
En ma folour;
Et se je li vueil celer ma dolour,
Desirs espris d'amoureuse chalour
Destraint mon corps, et mon cuer en errour
Met de finer.
S'aim miex que je li die ma langour,
Qu'einsi morir, sans avoir la savour
De la joie qu'est parfaite douçour
A savourer;
Et dou dire ne me doit nulz blamer
Qu'amours, besoins et desirs d'achever
Font trespasser mesure et scens outrer.

Lasse! je sui en aventure
De morir de mort einsi dure
Com li biaus Narcisus mori,
Qui son cuer tant enorguilli,
Pour ce qu'il avoit biauté pure
Seur toute humeinne creature,
Qu'onques entendre le depri
Ne deingna d'Echo, qui pour li
Reçut mort amere et obscure.
Mais bonne Amour d'amour seüre
Fist qu'il ama et encheri
Son ombre et li pria merci,
Tant que en priant mori d'ardure.
Lasse! et je criem morir einsi,
Car onques de mon dous ami,
Quant il m'amoit de cuer, n'os cure.
Or l'aim et il me het, aymi!
Telle est des femmes la nature.

Ego moriar pro te.


Discography

  1. Arcana 305
    Mercy ou mort
    Machaut: Chansons & motets d'amour
    Ensemble Ferrara - Crawford Young, dir.
    Rec.: 1998

  2. Ars Harmonica AH 112
    Machaut - Trio Subtilior
    Trio Subtilior
    Rel.: 2002 (instr.)

  3. ECM "New Series" 1823
    Machaut: Motets
    Hilliard Ensemble
    Rec.: 2001

  4. Philips "Universo-serie" 6580 026 [LP]
    Guillaume de Machaut - Balladen, Motetten. Rondeaus, Virelais
    Capella Lipsiensis - Dietrich Knothe, dir.
    Rec.: 1970

  5. Zig-Zag Territoires ZZT 021002 [CDx2]
    Machaut - Les Motets
    Ensemble Musica Nova
    Rec.: 2002


Please see the Machaut index page for an introduction, discussion of methodology, and notes on this project.

To Machaut index page

To Early Music FAQ

Pierre-F. Roberge
Todd M. McComb