Machaut: Dame, à qui (V12)

Monophonic virelai.

Sources: Machaut Manuscripts A B C E & G

Lyrics

Dame, à qui
M'ottri
De cuer, sans penser laidure,
Je n'ay mie desservi
Qu'enhaï
M'ait si
Vos cuers qu'à desconfiture
Soie pour l'amour de li.

Car de tres loial amour
Maint jour
Vous ay amé et servi,
N'onques vos cuers n'ot tenrour
Dou plour
Qui m'a tout anienti.
S'en gemi
Et di
Que ce n'est mie droiture
Que toudis soie en oubli,
Car en mi
Par mi
Partiroit mon cuer d'ardure,
Bele, s'il estoit einsi.
Dame, à qui
M'ottri.

Helas! toudis sans sejour
Aour
Vo doulz viaire joli,
Mais trouver n'i puis douçour
N'amour
Fors samlance d'anemi.
S'en fremy,
Aymi!
Et en dolour qui trop dure
Dolereusement langui,
Quant meri
D'ottri
Ne d'esperance seüre
Ne m'a encor esjoÿ.
Dame, à qui
M'ottri
De cuer, sans penser laidure.

Belle et bonne, sans folour,
D'onnour
Vous ha Diex si enrichi
Que vous estes de valour
La flour;
Pour ce vous ay encheri.
Se vous pri
Merci
Que de vostre grace pure
Me daingniés clamer ami;
Et einsi
Gari
M'arés dou mal que j'endure,
Tresdont que premiers vous vi.
Dame, à qui
M'ottri
De cuer, sans penser laidure,
Je n'ay mie desservi
Qu'enhaï
M'ait si
Vos cuers qu'à desconfiture
Soie pour l'amour de li.


Discography

  1. Arte Nova 74321 85 289-2
    Guillaume de Machaut: La Messe de Nostre Dame
    Clemencic Consort - René Clemencic
    Rec.: 1999

  2. Hyperion A 66087 [LP]
    The Mirror of Narcissus: Songs by Machaut
    Gothic Voices - Christopher Page
    Rec.: 1983

  3. Marc Aurel Edition 20041
    Machaut: Flour de flours
    Lais & Virelais
    Norbert Rodenkirchen
    Rec.: 2009 or prior (instr.)


Please see the Machaut index page for an introduction, discussion of methodology, and notes on this project.

To Machaut index page

To Early Music FAQ

Pierre-F. Roberge
Todd M. McComb