Machaut: Se d'amer me repentoie (V20)

Monophonic virelai.

Sources: Machaut Manuscripts A B C E & G

Lyrics

Se d'amer me repentoie
Ne feingnoie,
Trop seroie contre mi;
Car tout mon temps perderoie,
Que n'aroie
Ja mais bon jour ne demi.

Si vueil amer mon amy
Loiaument, où que je soie,
Et avoir le cuer joli,
Gay, chantant et plein de joie;
Ne pour chose que je voie
Ne que je oie
Ne le quier mettre en oubli,
Car, s'autrement le faisoie,
Mort l'aroie,
Sans cop ferir, et trahi.
Se d'amer me repentoie.

Il m'a longuement servi
Si bien que miex ne vorroie,
N'onques en li riens ne vi
De quoy reprendre le doie.
M'onneur vuet plus que la soie.
Qu'en diroie?
Secrés et loiaus est, si
Que, se souhaidier voloie,
Je faurroie
A souhaidier miex qu'en li.
Se d'amer me repentoie.

Chascuns dit que c'est celi
Qui miex tient la droite voie
Pour avoir des biens le tri
Que Nature as siens ottroie.
Pour quoy dont ne l'ameroie?
Trop aroie
Le cuer divers et failli,
S'il m'aimme et je ne l'amoie,
Et creoie,
Quant il l'a bien desservi.
Se d'amer me repentoie
Ne feingnoie,
Trop seroie contre mi;
Car tout mon temps perderoie,
Que n'aroie
Ja mais bon jour ne demi.


Discography

  1. Dorian Discovery DIS 80 155
    Neo-medieval - Medieval Improvisation for a Postmodern Age
    Hesperus
    Rec.: 1996


Please see the Machaut index page for an introduction, discussion of methodology, and notes on this project.

To Machaut index page

To Early Music FAQ

Pierre-F. Roberge
Todd M. McComb