Machaut: Sans cuer m'en vois, dolens et esplourez
Amis, dolens, maz et desconfortez
Dame, par vous me sens reconfortez (B17)

Three-voice triple ballade.

Sources: Machaut Manuscripts A B C & G

Lyrics

Sans cuer m'en vois, dolens et esplourez,
Pleins de soupirs et diseteus de joie,
D'ardant desir espris et embrasez,
Douce dame, que briefment vous revoie,
Si qu'einsi sans cuer durer
Ne porroie ne tels mauls endurer,
S'Espoirs en moy ne faisoit sa demeure
En lieu dou cuer, dame, qui vous demeure,

Et Souvenirs qui scet tous les secrés
Que Dous Pensers m'amenistre et envoie,
Dont en moy est empreins et figurez
Vos faitis corps et vo maniere quoie,
Vo douls riant regarder
Et vo douceur qui me fait aourer
Vous que je voy par tout et à toute heure
En lieu dou cuer, dame, qui vous demeure.

S'ay plus de joie et de douceur assez,
Quant je les ay, que de mon cuer n'arroie;
Car en tous cas sui d'Espoir confortez
Et Souvenirs me monstre, où que je soie,
Vo plaisant viaire cler.
Et s'aucuns griés me vient par desirer,
Tres Dous Pensers le destruit et deveure,
En lieu dou cuer, dame, qui vous demeure.

Amis, dolens, maz et desconfortez
Partez de moy et volez que je croie
Que vos cuers m'est tous entier demorez.
Tres bien le croy; dont je ne vous porroie
Si biau don guerredonner,
Et vous peüsse à fin souhait donner
Quanque desirs en ce monde saveure,
En lieu dou cuer, amis, qui me demeure.

Car il est vrais, fins, loiaus et secrez,
Frans et gentis, ne dire ne saroie
La riche honneur dont il est couronnés
Ne le haut bien: si ne say tour ne voie,
Comment peüsse finer
Dou remerir. Mais je ne vueil pener
Qu'à mon pooir vous conforte et sequeure,
En lieu dou cuer, amis, qui me demeure.

Si vous promet qu'en foy serés amez
Par dessus tous, sans ce que je recroie,
Et aveuc ce mon cuer emporterez
Qui pour vous seul me guerpist et renoie;
Se le veuil liés bien garder
Et comme ami conjoïr et amer,
Car plus chier don n'ay dont je vous honneure,
En lieu dou cuer, amis, qui me demeure.

Dame, par vous me sens reconfortez
De tous les griés que recevoir soloie,
Par vous sui hor de toutes orphentez,
Par vous ne puis riens sentir qui m'anoie,
Par vous m'estuet esperer
Quanque loyaus amis puet desirer,
C'est de merci don, s'en moy ne demeure
En lieu dou cuer, dame, qui vous demeure.

Dame je sui par vous resuscitez,
En paradis mis d'enfer, où j'estoie,
De mes mortelz paours asseürés,
Des grans doleurs garis que je sentoie;
Par vous est dous mon amer,
Quant vostre amie me daingniez apeler,
Et s'il vous plaist que joie en moy acqueure
En lieu dou cuer, dame, qui vous demeure.

Si seroie faus traïtres prouvés,
Douce dame, se je ne vous amoie
Tres loyaument, car tous mes biens est nez
De vostre bien; dont si fort me resjoie,
Quant bele et bonne sans per
Et des dames la flour vous oy nommer,
Que tendrement de joie en riant pleure
En lieu dou cuer, dame, qui vous demeure.

Discography

1. Adès COF 7078 [LPx3]
   L'art musical et poétique de Guillaume de Machaut - Motets / Ballades / Virelays - Le Remède de Fortune - Le Veoir Dit
   Ensemble Guillaume de Machaut de Paris - Guy Robert / Jean Belliard
   Rec.: 1975-1977

2. Aeon AECD 0982[CD]
   Guillaume de Machaut (c. 1300-1377) – Ballades
   Ensemble Musica Nova – Lucien Kandel, dir.
   Rec.: 2008

Alvarès C 499 (LP)
Machaut - Le Remède de Fortune
Ensemble Guillaume de Machaut de Paris - Guy Robert / Jean Belliard
Rec.: 1975

3. Archiv Produktiom APM 14 063 [LP]
   II. Research Period - The central Middle Ages, Series D: The Ars nova in France «Guillaume de Machaut - Messe de Nostre Dame & 10 secular works»
   Pro Musica Antiqua - Safford Cape, dir.
   Rec.: 1956

4. Attacca Babel 9682 / 83 [CDx2]
   Res Musice: The Passion of Reason
   The Sour Cream Legacy
   Rec.: 1993

5. Collection romane CR 103
   La Dame à la licorne "A mon seul désir"
   La Compagnie Médiévale
   Rec.: 1999

6. Decca Gold Label Series DL 7 9431 [LP/Stereo]
   Ah Sweet Lady - The Romance of Medieval France: Chansons, Ballades and Virelais of Guillaume de Machaut and Anonymous Compositions of the 13th Century
   New York Pro Musica - John White, dir.
   Rec.: 1967 or prior

7. Éditions Musicales Lugdivine « Thèm'Axe » 7 [Book + CDx2]
   Instruments et musiques du Moyen Âge
   Various performers
   Rec.: 2008

Essential Records ESM CD 436
The Lady and the Unicorn - The Hermit
John Renbourn
Rec.: 1970

8. Eufoda 1343
   Mermaphilia
   Zefiro Torna
   Rel.: 2002

9. Hortus 35
   Polyphonie des XIVe et XVe siècles
   Louis Thiry
   Rec.: 2004

10. Hyperion 68008
    Machaut: The Dart of Love
    The Orlando Consort Machaut Edition
    Orlando Consort
    Rec.: 2013

11. Muza AL /EN 2004
    Guillaume de Machaut & L'Ars Nova
    La Maurache
    Rec.: 2003

12. Panton 8111 0056 [LP]
    Hommage à Machaut
    Ars Cameralis - Lukás Matousek, dir.
    Rec.: 1978 or prior

13. Transatlantic ORL 8654 [LP]
    The Lady and the Unicorn
    The John Renbourn Group
    Rel.: 1992

14. Vanguard VRS 9191 or VSD 7 9191 [LP, mono or stereo]
    Inventions
    Sandy Bull
    Rec.: 1965 or prior

Please see the Machaut index page for an introduction, discussion of methodology, and notes on this project.

To Machaut index page

To Early Music FAQ